Лос-Анджелесте 76-шы «Эмми» марапаты табысталды.

Марапатқа үміткерлер қатарында 2023 жылдың 1 маусымынан 2024 жылдың 31 мамырына дейін эфирге шыққан немесе онлайн платформаларда көрсетілген сериалдар, телефильмдер және телешоулар бар.

25 номинация бойынша бақ сынаған «Сегун» тарихи сериалы негізгі бағыттардың көбінде жеңіске жетіп, «Үздік драмалық сериал» атанды.

Сериалдың бір эпизоды үшін Фредерик Туаға «Үздік режиссер» сыйлығы берілді, ал жапон феодалдары туралы картинаның басты рөлдерін сомдаған Хироюки Санада мен Анна Саваи драмадағы образы үшін Жапониядан «Эмми» алған алғашқы актерлер болды.

Джереми Аллен Уайт «Аю» фильміндегі бас-аспаз Кармен Берзатто рөлі үшін «Комедиялық сериалдағы үздік актер» номинациясында жеңімпаз деп табылды.

Комедиялық сериалдағы үздік актриса атағы Джин Смартқа Америка телевизия академиясы үздік комедиялық сериал ретінде таңдаған «Айлакерлік» сериалындағы Дебора Венс рөлі үшін берілді.