Қозоғистоннинг “SCAT Airlines” авиакомпанияси томонидан Туркистондаги “Ҳазрати Султон” халқаро аэропортидан Ўзбекистоннинг Урганч, Бухоро ва Самарқанд шаҳарларига тўғридан-тўғри авиарейслар йўлга қўйилиши кутилмоқда.

“Uzbekistan Airports” компаниясидан маълум қилишларича, Туркистон – Урганч – Туркистон йўналиши бўйича парвозлар жорий йил 1 декабрдан душанба, жума ва якшанба кунлари, Туркистон – Бухоро – Туркистон йўналиши бўйича тўғридан-тўғри рейслар эса 2 декабрдан сешанба, пайшанба ва шанба кунлари амалга оширилиши режалаштирилган. 

Туркистон – Самарқанд – Туркистон йўналиши бўйлаб тўғридан-тўғри парвозлар 3 декабрдан чоршанба, жума ва якшанба кунлари амалга оширилади. 

Янги авиарейсларнинг йўлга қўйилиши икки мамлакат шаҳарлари ўртасидаги саёҳатлар янада қулай бўлишига хизмат қилади. 

Роман БОНДАРЧУК тайёрлади, ЎзА