Yurtimizning har bir qarich yeri tarix kitobidir. Zamonlar silsilasidan o‘tib, ne-ne suronlarni ko‘rgan, moziyning jonli guvohi bo‘lgan madrasalar, maqbaralar, masjidlar, xonaqohlar va ziyoratgohlar o‘tmishimizning tilsiz, sehrli so‘zlovchilaridir.

Surxondaryo viloyati Sherobod tumani hududida joylashgan Xatak ota qishlog‘i ana shunday go‘zal va sirli maskanlardan. U o‘zining ming yillik tarixiga, betakror tabiat mo‘’jizalariga va muqaddas ziyoratgohlariga ega. Qishloqning jozibasi, purviqor tog‘larning salobati va zilol buloqlarning shifobaxshligi sayyohlarni doim o‘ziga rom etgan. Bu joyning toza havocidan nafas olib, tabiat qo‘ynida dam olish har qanday insonga ruhiy huzur baxsh etadi. 

[gallery-24573]

Jonibek QO‘ZIMURODOV (surat), O‘zA