Ўзбекистон Республикаси экология ва атроф муҳитни муҳофаза қилиш давлат қўмитаси томонидан ёшлар ўртасида экологик таълим ва маданиятни ошириш, уларни атроф-муҳитни муҳофаза қилиш масалаларига кенг жалб қилиш мақсадида ташкил этилган тадбирда экология ходимлари, ўқувчи-ёшлар иштирок этди.

Сўнгги йилларда инсонлар томонидан хонакилаштирилган ҳайвонларга нисбатан шавқатсиз муносабатда бўлиш ҳодисалари учрамоқда. Маълумотларга кўра, ҳар куни ер юзидан жониворларнинг 3 тадан тури йўқолиб кетмоқда. Бунинг натижасида сайёрамизнинг биологик хилма-хиллиги 30 фоизга қисқарган.

Тадбирда иштирокчиларга атроф-муҳитни асраш, жониворларга нисбатан шавқатли муносабатда бўлиш ва экологиянинг аҳамияти борасида тушунчалар берилди.

Тадбир доирасида умумтаълим мактаб ўқувчилари ўртасида танлов ташкил этилиб, унда ҳар бир ўқувчи мамлакатимизнинг мафтункор манзаралари, теварак-атроф ва табиатга бўлган муносабатлари, янгича ҳаёлот олами ва қизиқишлари акс этган расмларни чизишди. Ҳар бир картинага аноним тарзда овоз берилди.

Ғолиблар эсдалик совғалар билан тақдирланди.