Ramazon oyi munosabati bilan Chiroqchi tumani mahallalarida iftorlik dasturxoni yozildi.

Davlat rahbarining “Muborak Ramazon oyini munosib tarzda o‘tkazish to‘g‘risida” gi qarori ijrosini ta’minlash maqsadida “Mahalla” xayriya jamoat fondi Qashqadaryo viloyati Chiroqchi tumani bo‘linmasi tashabbusi bilan tumandagi kam ta’minlangan oilalar holidan xabar olinib, ro‘zadorlar uchun iftorlik dasturxonlari yozilmoqda.  

Ana shunday xayrli tadbirlar Ramazonning ilk kunlarida tumanning “Chiroqchi”, “Amir Temur”, “Gulobod” mahallalarida istiqomat qilayotgan ro‘zadorlar uchun iftorlik dasturxoni yozildi.  

Ramazon oyining mazmun-mohiyatida mujassam bo‘lgan odamiylik, inson sha’nini ulug‘lash, yaxshilik va mehru-saxovat kabi fazilatlarni namoyon etadigan, tinch va osoyishta hayotni qadrlash, oila va mahallalarda, mehr-oqibat, o‘zaro hurmat muhitini mustahkamlash, kam ta’minlangan, ijtimoiy himoyaga muhtoj kishilarni har tomonlama qo‘llab-quvvatlashga qaratilgan tadbirlar tumanning barcha mahallalarida o‘tkazilmoqda. 

O‘lmas Barotov, O‘zA.