Ўзбекистон ва Ҳиндистон, ўртасида икки томонлама ҳамкорликни янада кенгайтириш ва мустаҳкамлаш бўйича жорий йилга мўлжалланган чора-тадбирлар режасига кўра Ўзбекистон Савдо-саноат палатаси ҳузурида Ҳиндистон саноат конфедерациясининг ваколатхонаси очилади.

Шунингдек, 1-17 февраль кунлари ҳунармандлардан иборат мамлакатимиз делегацияси Ҳиндистоннинг Харьяна штати Фаридобод шаҳрида бўлиб ўтадиган “Сураджкунд Мела – 2020“ халқаро фестивалида иштирок этади.

Маълумот учун, Ҳиндистон Республикасининг Гужарат штати бош вазири В.Рупанининг 2019 йил 19-21 октябрь кунлари мамлакатимизга ташрифи давомида бир қанча келишувларга эришилган эди. Ушбу келишувларни амалга ошириш бўйича мамлакатимиз делегациясининг Ҳиндистонга хизмат сафари ташкил этилди.