Кармана туманидаги Ислом Каримов номли кўчада жойлашган қурилиш моллари дўконида ёнғин келиб чиқди.

Навоий вилояти Фавқулодда вазиятлар бошқармаси хабарига кўра, 10 апрелга ўтар кечаси Кармана туман ФВБ диспетчирлик хизматига соат 23:03 да Кармана тумани И.Каримов кўчасида жойлашган 3 қаватли қурилиш моллари савдо марказида ёнғин юзага келганлиги тўғрисида хабар келиб тушган.  

Унга кўра, ФВБдан 14 ёнғин қутқарув экипажлари жалб қилиниб, воқеа жойига зудлик билан етиб борилган ва 800 кв.м. га эга бўлган савдо дўконидаги ёнғин соат 01:59 да бартараф этилган.  

Тан жароҳати олганлар ва ҳалок бўлганлар тўғрисида маълумот келиб тушмаган.  

А.Бўриев, ЎзА