Мексикалық боксшы Сауль Альварес Аргентина құрамасының капитаны Лионель Мессиге қатысты айтқан сөзі үшін кешірім сұрады.

«Соңғы күндері еліме деген құштарлық пен сүйіспеншілік басым болып, орынсыз пікірлер айттым. Сондықтан мен Мессиден және Аргентина халқынан кешірім сұрағым келеді. Күн сайын біз жаңа нәрсені үйренеміз, енді менің кезегім. Екі командаға да сәттілік тілеймін. Біз әрқашан Мексиканы қолдаймыз», - деп жазды супер орта салмақтағы абсолютті әлем чемпионы.

Еске салар болсақ, Аргентина Мексиканы жеңгеннен кейін (2:0) Мессидің киім ауыстыратын бөлмеде мексикалық жейдені теуіп жатқаны түсірілген видео тараған болатын.

Содан кейін Альварес бұл көрініс жайлы былай деп жазған еді: «Месси біздің жейде және туымызбен еденді қалай сүрткенін көрдіңіз бе? Құдайдан менімен бетпе-бет келмеуін сұрасын!