Саудия Арабистонининг бир нечта ҳудудида кутилмаганда кучли қор ёғди. Айниқса, Ал-Баха округи катта зарар кўрди, дейилади Euronews агентлиги тарқатган хабарда.

Йўлларнинг катта қисми ёпилиб, машиналар қор уюмларига тиқилиб қолган. Йўлларни тозалаш учун оғир қурилиш техникалари жалб қилингани айтилмоқда.

Ал-Баха таълим  департаменти мактаб ўқувчиларини икки кунга уйда қолишга ва масофадан туриб ўқишга чақирган, чунки ўқувчилар ва ўқитувчилар ўқув муассасаларига етиб бориши қийин бўлмоқда, дейилади хабарда.