Өзбекстан Елшілігінің қызметкерлері Сауд Арабиясы Қоршаған орта, су және ауыл шаруашылығы министрлігінің Ауыл шаруашылығын зерттеу және ауыл шаруашылығын кеңейту департаментінің бас директоры Бандар Мухаммад әл-Сакханмен кездесу өткізді.

Dunyo ақпарат агенттігінің хабарлауынша, кездесудің мақсаты Өзбекстанда ауыл шаруашылығы, оның ішінде гүл өсіру саласында әзірленіп жатқан перспективалы инвестициялық жобаларға саудиялық инвесторларды тарту және тиісті келісімшарттарға қол қою.

Сұхбат басында Бандар әл-Сақхан Сауд Арабиясы мен Өзбекстан арасындағы ынтымақтастық тұрақты дамып келе жатқанын, екі ел басшыларының саяси ерік-жігері, атап айтқанда, 2022 жылы Өзбекстан Президентінің осы елге ресми сапары маңызды екенін рөл атқарағаны атап өткен. Ол сондай-ақ бұл жобаларға ел кәсіпкерлері үлкен қызығушылық танытып отырғанын айтқан.

«Саудия тарапы Өзбекстанмен гүл өсіру бойынша ынтымақтастыққа мүдделі. Осыған байланысты Сауд Арабиясының Қоршаған орта, су және ауыл шаруашылығы министрлігінің 5 қызметкері мен 10-нан астам инвесторды Өзбекстанға гүл өсіру жобаларына инвестиция салу үшін іскерлік миссиямен жіберуге дайынбыз», - деген Бандар Мухаммад әл-Сакхан.

Атаулы жобаларды республиканың топырақ-климат жағдайларына қолайлы 6 өңірінде, соның ішінде Ташкент, Жызақ, Самарқанд, Наманган, Ферғана және Әндіжан облыстарында жүзеге асыру көзделген.

Жұмыс сапары аясында саудиялық инвесторлар мен Өзбекстандық кәсіпкерлер арасында бірқатар келісімшарттарға қол қою жоспарланған.