Сауд Арабиясы 8 елдің азаматтарына электронды виза порталы арқылы корольдікке кіру визасын алу мүмкіндігін ашты.

Осы 8 елдердің азаматтары визаны Корольдік порттарында немесе шекараларында алуы да мүмкін.

Корольдік туризм министрлігінің мәліметінше, виза беруді кеңейту мақсатында ашылған бұл жүйені енді 57 елдің азаматтары пайдалана алады. Бұл елдер қатарына Албания, Мальдив аралдары, Әзірбайжан, Грузия, Оңтүстік Африка Республикасы, Қырғызстан, Тәжікстан және Өзбекстан қосылды.

Бұған дейін мұндай мүмкіндік ТМД елдерінің тек Ресей, Украина және Қазақстан азаматтарында болған.

Сауд Арабиясының электронды визасы – бір жылдық, көп мәртелік виза болып, туристерге елде 90 күнге дейін болуға мүмкіндік береді.