Surxondaryo viloyatining Sariosiyo tumani mahallalarida yashaydigan 18-30 yoshdagi yigit-qizlar jamoalari o‘rtasida “Alpomish izdoshlari” va “Barchinoy avlodlari” sport musobaqalari bo‘lib o‘tdi.

Bellashuv yoshlarning bo‘sh vaqtini sermazmun o‘tkazib, sportga qiziqish va intilishini yanada oshirish, sog‘lom turmush tarzini keng targ‘ib qilib, chiniqtirish, jamoa bo‘lib harakatlanish ko‘nikmalarini mustahkamlab, sportning milliy turlarini ommalashtirish maqsadida tashkil etilmoqda.  

Qiziqarli, murosasiz kechgan musobaqalarning erkaklar o‘rtasidagi bahslarida Nurbuloq mahallasi o‘g‘lonlari, xotin-qizlar o‘rtasidagi bellashuvlarda Sharafobod mahallasi jamoasi faxrli birinchi o‘rinni egallab, viloyat bosqichiga yo‘llanma oldi.

G‘oliblar diplom va esdalik sovg‘alari bilan taqdirlandi.  

Xolmo‘min Mamatrayimov, O‘zA muxbiri