2022 жылдың 12 қыркүйегінде Сардоба су қоймасын жобалау мен салуға жауапты азаматтарға қатысты қылмыстық іс бойынша 29 айыпталушының жабық сот отырысы аяқталып, сот үкімі жарияланды.
Ташкент қалалық соты баспасөз қызметінің хабарлауынша, сотталушылар Қылмыстық кодекстің 167, 28,167, 209, 28,209, 243, 258-баптарында көзделген қылмыстарды жасағаны үшін кінәлі деп танылған.
Жарияланған сот үкіміне сәйкес:
- 1 азаматты 3 жыл мерзімге қызметтік және материалдық жауапкершілікке байланысты лауазымдарда жұмыс істеу құқығынан айыра отырып, 10 жыл 3 айға бас бостандығынан айыру жазасы тағайындалды;
- 1 азаматты 3 жылға лауазымдық және материалдық жауапкершілікке байланысты қызметте жұмыс істеу құқығынан айыра отырып, 5 жылға бас бостандығынан айыруға және базалық есептік көрсеткіштің 550 еселенген мөлшерінде айыппұл салу жазасы тағайындалды;
- 1 азаматты 3 жылға лауазымдық және материалдық жауапкершілікке байланысты қызметте жұмыс істеу құқығынан айыра отырып, 5 жылға бас бостандығынан айыруға және базалық есептік көрсеткіштің 600 еселенген мөлшерінде айыппұл салуға жазасы тағайындалды;
- 1 азаматты 3 жылға кәсіпкерлік қызметпен айналысу құқығынан айыра отырып, базалық есептік көрсеткіштің 600 еселенген мөлшерінде айыппұл салу жазасы тағайындалды;
- 2 азаматты 3 жыл қызметтiк және материалдық жауаптылыққа байланысты лауазымдарда жұмыс iстеу құқығынан айырумен, 4 жылға бас бостандығын шектеу және 550 еселенген базалық есептiк көрсеткiш мөлшерiнде айыппұл салу жазасы тағайындалды;
- 23 азаматқа 3 жыл мерзімге қызметтік және материалдық жауапкершілікке байланысты лауазымдарда жұмыс істеу құқығынан айыра отырып, базалық есептiк көрсеткiш 400-ден 550 еселенген мөлшерінде айыппұл салу жазасы тағайындалды.
Бұған дейін, 2021 жылдың 10 мамырында «Сардоба» ісіне қатысты 18 адамға қатысты сот үкімі жарияланған еді.
Еске салар болсақ, 2020 жыл 1 мамыр күні таңертеңгі уақытта Сырдария облысындағы «Сардоба» су қоймасында бөгет жарылып, оқиға салдарынан сол аймақтағы үш ауданның 22 ауылынан 60 мыңнан астам адам эвакуацияланған болатын.