Британиялик олимлар кўкрак бези саратонини аниқлаш бўйича мутлақо янги ва хавфсиз усулни ишлаб чиқишди. Бу усулда микроскопик олмос зарралари ишлатилади ва улар лимфа тугунларида саратон қандай тарқалаётганини аниқ кўрсатади.

Олдин бундай ҳолатни аниқлаш учун радиоактив моддалар ёки махсус бўёқлардан фойдаланилган. Аммо бу усуллар хавфли бўлиб, беморда аллергик реакция чақириши ва қаттиқ хавфсизлик чораларини талаб қилиши мумкин эди.

Янги технологияда эса олимлар магнитли махсус суюқликни ўсимта атрофидаги тўқималарга юборади. Бу суюқлик саратон ҳужайралари билан бирга лимфа тугунларига ҳаракат қилади. Унинг йўлини кузатиш учун олмос зарраси ўрнатилган жуда кичик сенсорлар ишлатилади.

Олмос ичида жойлашган НВ-марказлар деб аталувчи бўлимлар жуда сезгир. Улар ҳатто энг заиф магнит майдон ўзгаришини ҳам сезади. Шу орқали шифокорлар саратон қаерга тарқалганини аниқ кўриб, айнан қайси лимфа тугунларини олиб ташлаш кераклигини аниқлай олишади.

Бу технология нафақат аниқликни оширади, балки бемор учун хавфсизроқ ҳамдир. Бу саратонни эрта аниқлаш ва даволашда янги даврни бошлаб беради.

<iframe width="560" height="315" src="https://www.youtube.com/embed/xYOhDPNqxfk?si=gett40-jxirvXb34" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Улуғбек Тўхтаев, ЎзА