“Ҳикмат излаганга ҳикматдир дунё”, дея бежиз айтмайдилар. Инсон ҳаётининг ҳар бир дами ҳикмат, белгилардан иборатдир.

“Хилқат” лойиҳасининг бугунги қаҳрамони “Дўстлик” ордени соҳибаси, бекободлик деҳқон аёл – Санобар Рўзиқуловадир.

Санобар опа бундан бир неча йил аввал оғир хасталик сабаб ётиб қолади. Ана шу дамларда оила аъзолари, яқинлари билан бирга унинг гуллари дардига дармон бўлади.  

Гулларнинг ҳар бир баргининг, шохчаларининг униб чиқишидан Санобар опа ҳикмат излаб тикилади. Гуллар ўзларига меҳр ва умид билан боқиб турган бу аёлнинг соғайиб кетишини башорат қилгандек...

Бекободда “гулчи опа” номи билан танилган Санобар Рўзиқулованинг ҳаёт йўли, қарашлари, кўрган қийинчиликлари-ю, мамлакатимизда аёл тадбиркорларга яратилаётган шароитлар сабаб эришган ютуқлари, бахтиёр онлари ҳақида бугунги дастуримизда томоша қилишингиз мумкин.

<iframe width="560" height="315" src="https://www.youtube.com/embed/G4hxJnubqmw?si=iRehkiBzYTxwwqHr" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Маҳфуза Ортиқова, Аброр Содиқов, Анвархўжа Аҳмедов, ЎзА