Саноат зоналари ҳудудидаги ер участкалари учун тўловни 24 ойга бўлиб тўлаш имконияти яратилди
Ўзбекистон Республикаси Президентининг 2023 йил 21 ноябрдаги “Айрим саноат тармоқларида сифатли ва рақобатбардош маҳсулотлар ишлаб чиқаришга қаратилган қўшимча чора-тадбирлар тўғрисида”ги фармони билан саноат зоналарида ер майдонлари ва бино-иншоотларни электрон онлайн-аукцион орқали ижарага беришда сотиб олиш тўловларини 24 ой муддатда бўлиб-бўлиб тўлашга рухсат этилди. Бунга қадар 12 ой муддатга бўлиб тўлаш имконияти берилган эди.
Ушбу ҳужжат ижросини таъминлаш мақсадида “e-auksion” электрон савдо платформасида эркин иқтисодий зона, туристик рекреацион зона, махсус саноат зона, кичик саноат зона ва ёшлар саноат зоналаридаги ер участкаларини сотиб олишда тўловларни йигирма тўрт ой муддатда бўлиб-бўлиб тўлаш имконияти яратилган.
Айни пайтда 4,5 мингдан ортиқ саноат зоналаридаги ер участкалари e-auksion.uz сайтига савдога чиқарилган.
ЎзА