ФОТОРЕПОРТАЖ

Наманган вилоятининг Тўрақўрғон туманида кейинги йилларда саноат корхоналари сони изчил ортиб бормоқда. Бу янги иш ўринлари яратиш, маҳаллий ишлаб чиқариш ҳажмини кўпайтириш ва аҳоли бандлигини таъминлашда муҳим омил бўлмоқда.

Туманнинг Ҳамид Олимжон маҳалласида жойлашган “Истиқбол саноат» масъулияти чекланган жамиятида эркаклар кўйлаги ишлаб чиқарилади. Корхонада маҳалланинг 40 нафар фуқароси доимий иш билан таъминланган.

Бу ерда ойига 2000 дона тайёр маҳсулот ишлаб чиқарилиб, буюртмачиларга етказиб берилмоқда. Маҳсулотларнинг сифати ва дизайни харидорлар томонидан ижобий баҳоланмоқда.

Ҳотам МАМАДАЛИЕВ (сурат), ЎзА