Россия Федерацияси ҳудудида ўзбекистонлик меҳнат мигрантларини касб-ҳунар ва рус тилига ўқитиш ишларини ўрганиш мақсадида ушбу давлатда бўлиб турган Ташқи меҳнат миграцияси агентлиги Ишчи гуруҳи аъзолари Санкт-Петербург шаҳрида йирик қурилиш ишларини амалга ошираётган Туркиянинг "ENKA" компанияси раҳбарияти билан учрашув ўтказди.

Учрашувда мазкур компанияда ишлаётган 800 нафарга яқин ўзбекистонлик меҳнат мигрантларининг дастлабки босқичда 400 нафарини Россия Халқлар дўстлиги университети дастури асосида бепул рус тили ва касбга ўқитиш бўйича келишувга эришилди.

Шунингдек, Ўзбекистон давлат мустақиллигининг 30 йиллигини нишонлаш, жорий йил октябрь ойида ўтказиладиган Президент сайловида вақтинчалик меҳнат фаолиятини амалга ошираётган юртдошларимизнинг фаол иштирокини таъминлаш учун муносиб шароитлар яратиб бериш бўйича келишиб олинди.