ФОТОРЕПОРТАЖ

Ўзбекистон давлат филармонияси Фарғона вилояти ҳудудий бўлинмаси ўзбек миллий ва академик ижрочилик анъаналарини халққа етказишга, ҳисобот дастурларини намойиш қилишга биринчилардан бўлиб бел боғлади. 
[gallery-5782]
Фарғона вилоят театр-концерт саройида бўлиб ўтган мусиқий кечада Маданият вазирлиги, Ўзбекистон давлат филармонияси ходимлари, Мақом миллий маркази вакиллари, филармониянинг вилоятлардаги бўлинмалари раҳбарлари, мусиқа фани ўқитувчилари, бир сўз билан айтганда, санъат ихлосмандлари иштирок этди. 
Жамоатчилик эътиборига ҳавола этиладиган мазкур ҳисобот концертларнинг дастлабкиси айнан Фарғона вилоятидан бошлангани бежиз эмас, албатта. Чунки миллий мусиқа санъати, эстрада ижрочилиги борасида Фарғона тажрибаси, маҳорат мактаби бор. 
Концерт дастури томошабинлар томонидан катта қизиқиш билан кутиб олинди. 

 

Муқимжон ҚОДИРОВ(сурат), ЎзА