2021 жылдың 3 ақпанында Өзбекстан мен Сан-Марино арасында дипломатиялық қатынастар орнату туралы хаттамаға ресми қол қою рәсімі өтті.

Италиядағы Өзбекстан елшілігінің хабарына сай, құжатқа Өзбекстан елшісі Атабек Акбаров және Сан-Марино елінің Италиядағы елшісі Даниэла Ротондаро қол қойған.

Екі елдегі ішкі процедуралардан кейін құжат күшіне енеді және Сан-Марино Өзбекстанмен дипломатиялық қатынас орнатқан 136-шы мемлекет болады, делінген «Dunyo» ақпарат агенттігінің хабарында.

Сан-Марино - әлемдегі ең кіші елдердің бірі (ауданы - 61 шаршы шақырым). Ел Оңтүстік Еуропада орналасқан және төрт жағынан да Италиямен шектеседі. Әлемдегі ең көне конституциялардың біріне негізделген Сан-Марино, қазіргі шекараларын ескере отырып Еуропадағы ең ұзақ өмір сүрген мемлекет (б.з. 301 ж.). Сонымен қатар, Сан-Марино жан басына шаққандағы ЖІӨ көлемі бойынша әлемдегі ең бай елдердің бірі (2020 ж. - 56 690 доллар).