Самбодан 2021 жылғы әлем чемпионаты Мәскеуден Ташкентке ауыстырылды. Бұл туралы Халықаралық самбо федерациясы (FIAS) хабарлады.

Бұл шешімге Спорттық арбитраждық соттың (CAS) 2020 жылғы желтоқсанда Ресейге әлем чемпионаттарын, Олимпиада және Паралимпиада ойындарын өткізуге екі жылға тыйым салуы себеп болды.

Наурыз айында Ресейдің самбо федерациясы FIAS пен Мәскеу қалалық мэриясынан әлем чемпионатын 2025 жылға қалдыруды сұраған. Бірақ FIAS әлем чемпионатын өткізуге өтініш берген елдер қатарында Өзбекстан да болғаны үшін турнирді 11-15 қараша аралығында Ташкентке көшірген.

«Біз Өзбекстан самбо федерациясынан әлем чемпионатын өткізуге өтініш алдық. 2025 жылы Ташкентте жасөспірімдер арасындағы Азия ойындарын өткізетіндігін ескере отырып, Өзбекстанға осы чемпионатты өткізуге мүмкіндік беруді орынды деп санаймыз », - деген FIAS президенті Василий Шестаков.

Осылайша, Ташкентте 2021 жылы самбодан екі ірі жарыс өтеді. Оның бірі маусымда Азия чемпионаты болса, екіншісі қарашада Әлем чемпионаты старт алады.