Саудия Арабистонининг Ар-Риёд шаҳрида III Бутунжаҳон жанг санъати ўйинлари ўтказилмоқда. Мусобақанинг самбо бўйича ўтказилган беллашувларида самбочиларимиз 2 та олтин, 3 та кумуш, 1 та бронза медалларини қўлга киритди.

Самбо баҳсларида вазни 79 килограммгача бўлган Фурқат Рўзиев ва 59 килограмм вазндаги Ибодатхон Агожонова делегациямизга олтин медаль келтирди.  

Финалга қадар ўтказилган баҳсларла зафар қучган Дилшодбек Йўлдошев, Муҳаммадали Саъдуллаев ва Бегойим Ҳайитова кумуш медаль соҳибига айланган бўлса, Гулсевар Ўроқова ўз вазнида бронза медали билан тақдирланди.  

Маълумот учун, бугун 21 октябрь куни мусобақа доирасида микст баҳслар ўтказилади.  

Жавоҳир Тошхўжаев,  

ЎзА