Самарқандта Дүниежүзілік туристік ұйым Бас ассамблеясының 25-ші сессиясы аясында Жаһандық білім форумы басталды. Шараға әлемнің 140 елінен делегаттар, туризм министрлері мен туризм басқармаларының басшылары, Өзбекстанның білім саласының басшылары мен жоғары оқу орындарының басшылары қатысуда.

Форумның басында Өзбекстан Республикасының Экология, қоршаған ортаны қорғау және климаттың өзгеруі министрі, «Жібек жолы» халықаралық туризм және мәдени мұра университетінің ректоры Азиз Абдухакимов, ӨР Мектепке дейінгі және мектеп білім беру министрі Хилола Умарова, Дүниежүзілік туристік ұйымның бас хатшысы Зураб Пололикашвили сөз сөйледі.

[gallery-14102]

- Бүгінде туризм экономиканың маңызды салаларының бірі болып табылады, сол себепті оқушыларымызда бала кезінен осы салаға деген түсінік қалыптастыру, қызығушылықтарын арттыру мақсатында қажетті шаралар атқарылуда. Министрлік жүйесінде Самарқанд және Наманган облыстарында балалар туристік базалары жұмыс істейді. Енді эксперимент ретінде Самарқанд қаласындағы 20 мектепте туризм бойынша білім беру сабақтарын бастауды жөн көрдік. Осы орайда біз Дүниежүзілік туристік ұйыммен бірлесе жұмыс істеп жатырмыз, , - деді Х.Умарова.

Форумда қазіргі және болашақ ұрпақ үшін инновациялар мен білім беруді қолдау саясатына арналған жоғары деңгейдегі министрлер талқылауы өтуде.

суреттерді түсірген А.Исроилов, ӨзА.