2023 жыл 22-28 мамырда Самарқандта Өзбекстан мен Қырғызстан үкіметтік делегациялары арасында өзбек-қырғыз мемлекетаралық шекарасын белгілеу бойынша келіссөздер өтті.

Dunyo ақпарат агенттігінің хабарлауынша, кездесуде Өзбекстан-Қырғызстан мемлекеттік шекарасының кейбір учаскелеріндегі бірлескен далалық зерттеулердің нәтижелері талқыланды.

«Бірлескен демаркациялық комиссия отырысының қорытындысы бойынша мемлекетаралық шекараны демаркациялау бойынша нормативтік-техникалық құжаттар бекітілді, сондай-ақ тиісті хаттамаларға қол қойылды», делінген хабарламада.