БҰҰ Дүниежүзілік туристік ұйымы Бас Ассамблеясының (GA25 UNWTO) 25-ші сессиясы аясында Самарқанд қаласындағы «Жібек жолы» туристік орталығында «Білім бойынша жаһандық форум: туризмді құру негізі» атты халықаралық білім форумы өтеді.

Халықаралық білім форумы Бас Ассамблеяның негізгі шараларының бірі болып табылады. 2023 жылдың 19 қазанында мұнда әлемнің 30-дан астам елінен туризм саласында жұмыс істейтін 1200-ден астам жергілікті және шетелдік мамандар мен сарапшылар жиналады. Форум аясында сарапшылар білім, ғылым және туризм салаларындағы инновацияларға қатысты өзекті мәселелерді талқылайды.

Шара барысында туризм және білім саласындағы жетістіктер мен бастамаларды қолдайтын «Ulysses Awards UNWTO» сыйлығы табыс етіледі.