Самарқандтағы «Жібек жолы» халықаралық туризм және мәдени мұра университетіндегі Арт-резиденцияда Шарджа әмірлігінің археологиялық олжаларының көрмесі ашылды.

Осыған орай өткен шарада Өзбекстан Республикасының Экология, қоршаған ортаны қорғау және климаттың өзгеруі министрі Азиз Абдухакимов, БАӘ, Шарджа әмірлігі үкіметінің атқарушы төрағасы Шейх Фахим бен Султан әл-Қасими сөз сөйлеп, кейінгі жылдарда Өзбекстан мен БАӘ арасындағы сауда-экономикалық ғана емес, сонымен қатар экономикалық байланыстар да дамып келе жатқанын атап өтті.

– Шарджа көне тарихқа ие және мұнда көптеген тарихи жәдігерлер табылған. Ең бастысы, бұл табылғандардың 80 пайызы Өзбекстанда алғаш рет көрсетіліп отыр. Көрмеге Арабия мен Орталық Азия арасындағы қарым-қатынас тарихына және Шарджа әмірлігінің неолит дәуірінен исламға дейінгі кезеңіне қатысты 170-тен астам археологиялық олжалар қойылған, – деді А.Абдухакимов. 

Шейх Фахим бен Сұлтан әл-Қасими де Өзбекстан мен Біріккен Араб Әмірліктерінің тарихы мен мәдениеті бір-біріне өте жақын екенін атап өтті.

Шарджа археология департаментінің мәліметінше, мұндай көрме бұған дейін Жапония, Испания және Бельгияда жоғары деңгейде ұйымдастырылған. 2020 «Шарджа археологиясы» көрмесі Лиссабондағы Ұлттық археологиялық мұражайда ашылды және оны Португалия мұражайтану қауымдастығы тарапынан қолдауға ие болды.

[gallery-16986]

Айта кетейік: Шарджадағы Млейха археологиялық орнында сарай, бекіністер, үйлер, адам және жануарлар қорымдары табылған. Табылған заттардың жалпы ауданы 3 шақырымды құрайды. Млейхадан алыс емес жерде археологтар алтын, күміс, қола, темір, піл сүйегі, алебастр, шыны және т.б. жасалған заттар табылған. Бұл заттардан ежелгі Египет, Грек, Рим, Парфия, Орта Азия, Үнді мәдениеттерінің іздерін көруге болады.

Көрме 22 мамырға дейін жалғасады.

Ғ.Хасанов, А.Исроилов (сурет), ӨзА