Қазіргі уақытта Қытай Халық Республикасында сапармен жүрген Самарқанд облысының әкімінің міндетін атқарушы А. Бобоев Тяньцзин қаласында «Tianjin Pump Machinery Group» және «Tianjin Baili Equipment Group» компанияларының басшыларымен кездесіп, келісімге қол жеткізді.

Олардың ішінде Қытайдағы гидронасос және генераторлар өндірісінің ең ірі компанияларының бірі «Tianjin Baili Equipment Group» компаниясының төрағасы Ву Джейжун бастаған басқару кеңесінің мүшелерімен келіссөздер барысында бірлескен жұмыс тобы құрылып, кіші ГЭС салу үшін қолда бар мүмкіндіктерді зерттеу және жобалар әзірлеу, күн панельдері арқылы жұмыс істейтін су сорғыштарын шығару, күн және жел станциялары үшін генераторлар мен қосалқы бөлшектер өндіру мәселелері талқыланды.

Мемлекеттік әріптестік аясында құрылған компанияда электр энергиясын өндіру үшін қажетті барлық құрал-жабдықтар мен технологиялар әзірленіп, бүкіл ел бойынша жобалардың 20 пайызынан астамы жүзеге асырылатын болады.

Самарқанд облысы делегациясы компанияның көрме залы және ғылыми-техникалық инновациялар орталығымен танысып, өндіріс тарихы және болашақ жоспарлар туралы ақпарат алды.

Компания өкілдері жақын арада Самарқандқа келіп, бірлесіп жүзеге асырылатын жобаларды әзірлеуді жоспарлап отыр.