Өзбекстан елшісі Надир Тургунов Парсы шығанағы араб елдері ынтымақтастық кеңесінің бас хатшысы Джасим әл-Будайвимен кездесті.

Dunyo агенттігінің хабарлауынша, кездесуде алдағы іс-шараларға, оның ішінде 2025 жылы Самарқандта өтетін «Орталық Азия – Парсы шығанағы араб мемлекеттері ынтымақтастығы кеңесі» диалогының екінші жоғары деңгейдегі саммитіне дайындалу, Бас хатшылық пен мемлекет арасындағы ынтымақтастықты тереңдету мәселелері талқыланған.

«Өзбекстанның екіжақты ғана емес, көпжақты, соның ішінде өңірлік және халықаралық ұйымдар аясындағы қарым-қатынастарды дамыту жөніндегі ұсыныстары өте өзекті. Бұл күш-жігерді әлемдік қауымдастық үлкен қызығушылықпен бақылап отыр", - деген Джасим әл-Будайви.

Сұхбат соңында Самарқандта өтетін жоғары деңгейдегі саммитке дайындықты жан-жақты қолдау, осы бағыттағы жұмыстарды жеделдету үшін диалогты жалғастыруға келісілді.