Самарқанд қаласында өтетін Түркі мемлекеттері ұйымына мүше мемлекет басшыларының саммитіне келген БАҚ өкілдері үшін төрт қонақ үй брондалған.

Бұл туралы Түркі мемлекеттері ұйымына мүше мемлекет басшыларының саммиті алдында ұйымдастырылған брифингте Туризм және мәдени мұра министрінің кеңесшісі Темур Мирзаев мәлімдеді.

Туризм және мәдени мұра министрлігі тарапынан Түркі мемлекеттері ұйымы мемлекет басшыларының саммиті мен осыған қатысты шараларды БАҚ-та жариялау үшін Самарқанд қаласына келген 350 БАҚ өкіліне, яғни 200 шетелдік және 150 жергілікті БАҚ өкілдеріне, сондай-ақ 175 техникалық қызметкерге 4 қонақ үй брондалып, 5 қонақ үй резервке алынған. 

TМҰ саммитіне дайындық аясында барлығы 8 назар аударарлық нысан, оның ішінде «Хазреті Хизр» кешені, «Регистан» және «Әмір Темір» кешендері, «Қожа Даниёр» кесенесі, «Мырза Ұлықбек» мұражай кешені, Халықтар достығы және Діни толеранттылық мұражайы, «Шахи-Зинда» кешені, «Көңіл» туристік ауылы қонақтардың сапары үшін әзірленді.