Самарқандда 2023-2024 ўқув йили учун олий таълим муассасаларига кириш тест синовлари 7 бинода ўтказилмоқда. Тест синовлари кунига икки сменада ўтказилиши белгиланган бўлиб, 1-сменада соат 08:00 дан 11:00 га қадар, 2-сменада соат 15:00 дан 18:00 га қадар тест синовлари бўлиб ўтмоқда.
Юқори ҳаво ҳарорати сабаб жорий йил тест синовлари ёпиқ биноларда ўтказилмоқда, – дейди Билим ва малакаларни баҳолаш агентлигининг Самарқанд вилоятида тест синовларини ўтказиш бўйича масъул ходими Акмал Баратов. – Самарқандда еттита бинода тест синовлари ўтказилиши кўзда тутилган. Уларда бир сменада 122 группада 3660, бир кунда 7320 нафар абитуриент тест синовларида иштирок этади.
– Компьютер инжиниринг йўналишида ўқишга киришни мақсад қилганман, – дейди Яшнар Норжигитов. – Асосий йўналиш сифатида Тошкент ахборот технологиялари университети Самарқанд филиалини танладим. Тест синовлари ўқиган дарсликларимиз бўйича тушди. Албатта, бу йилги синовлардан муваффақиятли ўтиб, талаба бўлиш бахтига эришаман.
[gallery-12972]
Ғ. Ҳасанов,
А. Исроилов (сурат), ЎзА