Samarqand davlat tibbiyot instituti tomonidan 2021 yil 16-17 aprel kunlari tibbiyot oliy o‘quv yurtlari talabalari o‘rtasida “Stomatologiyada estetik restavratsiyalash mahorati” deb nomlangan xalqaro olimpiada o‘tkazildi.

Pandemiya davridagi ma’lum cheklovlarini inobatga olgan holda olimpiada offlayn va onlayn tarzda o‘tkazilib, Rossiya, Qozog‘iston, Tojikiston, Ukraina va O‘zbekistonning bir qator oliy tibbiy dargohlari va institutlarining talabalari hamda ularning ustozlari ishtirok etdi.

Xalqaro tanlovning ochilish marosimida SamDTI rektori professor J.Rizayev, Yaponiyaning Tokay markaziy shifoxonasi direktori professor Yunichi Sakamoto, Saratov davlat tibbiyot universiteti rektori A.Yeryomin, Privoljsk tadqiqot tibbiyot universiteti rektori N.Karyakin, Tojikiston davlat tibbiyot universiteti rektori M.Gulzoda va boshqa xorijiy va respublikamizdagi oliy o‘quv yurtlari va ilmiy-amaliy markazlarining rahbarlari ishtirokchilarni olimpidadagi ishtirokchilari bo‘lganliklari bilan tabriklab, barchaga omad tiladilar.

Mazkur olimpiada tartibiga ko‘ra, uch bosqichda o‘tkazilib, har bir ishtirokchi test topshiriqlari, oldindan belgilangan yo‘nalishlar bo‘yicha og‘zaki taqdimotlar qilish va amaliy ko‘nikmalarini namoyon etish kabi mashg‘ulotlarini bajargan holda bellashishdi.

Ishtirokchilarni xolisona baholash maqsadida har bir bosqich uchun alohida offlayn va onlayn tarzda tashkil etilgan hay’at a’zolari mustaqil faoliyat olib borishdi.

Olimpiada dasturi bo‘yicha “Eng yaxshi tadqiqot ishi” tanlovi ham o‘tkazilib unda mamlakatimiz va xorijiy oliygohlari 6 nafar talabaning ilmiy-tadqiqot ishlari natijalari tinglanib hay’at a’zolari tomonidan baholandi.

Xalqaro talabalar olimpiadasida nufuzli amaliyotchi-olimlar ishtirok etishlarini ham inobatga olgan holda ularning ma’ruzalari tinglash tashkil qilindi.

Shuningdek olimpiada homiysi hisoblangan, Germaniyaning Ivoclar Vivadent kompaniyasining MDH va boltiqbuyi mamlakatlari bo‘yicha shifokorlar bo‘limi rahbari, estetik restavratsiyalash va mikroprotezlash sohasidagi kuchli va dunyo tan olgan mutaxassis Viktor Daub va Toshkent stomatologiya institutining kafedra mudiri, professor O.Bekjanovani ma’ruzalari tinglandi.

Olimpiadaning ikkinchi kunida barcha g‘oliblar va ularning ustozlari tashkilotchilar tomonidan maxsus diplomlar, faxriy yorliqlar va esdalik sovg‘alari bilan taqdirlandilar.

O‘zA