Вилоятда короновирус билан боғлиқ вазият барқарорлашгани ҳамда касалликлар аниқланиши кескин камайганлиги боис бугун, 19 август кунидан бошлаб Самарқанд шаҳар Кимёгарлар қўрғони ва Каттақўрғон шаҳридаги «Марварид» сиҳатгоҳидаги даволаш марказлари ўз фаолиятини тўхтатди.

Вилоят соғлиқни сақлаш бошқармаси ахборот хизматининг маълум қилишича, мазкур марказларда даволанётган беморлар соғайиб, ўз уйига кузатилди.

Вилоят соғлиқни сақлаш бошқармаси ушбу марказларда фидойилик кўрсатган барча тиббиёт ходимларига миннатдорчилик билдирди.

ЎзА