Самарқандда бўлиб ўтаётган Йўқ бўлиб кетиш хавфи остидаги ёввойи фауна ва флора турларининг халқаро савдоси тўғрисидаги конвенцияси Томонлар конференциясининг 20-сессияси доирасида “Самарқанд – 2025” IV халқаро ҳайкалтарошлик симпозиуми ўтказилмоқда.

Тўрт йилдан буён анъанавий тарзда  ўтказилаётган мазкур тадбир аҳолининг экологик  онг ва маданиятини юксалтириш, хорижлик ижодкорлар билан экология ва атроф-муҳит соҳасида самарали ижодий ҳамкорлик, тажриба алмашишни йўлга қўйиш, табиатга бағишланган бадиий асарлар орқали шаҳарларнинг маданий муҳити ва ландшафт қиёфасини ривожлантиришга қаратилган.

Бу йил “Бизнинг сайёрамиз – бизнинг уйимиз!” шиори остида ташкил этилган симпозиумда Ўмон, Эрон, Туркия, Хитой, Ҳиндистон, Буюк Британия, Грузия, Япония каби мамлакатлар ва ўзбекистондан 20 нафарга яқин машҳур ҳайкалтарошлар мармартошдан табиат ва санъатга бағишланган ижодий ишларини яратмоқда.

<iframe width="650" height="420" src="https://www.youtube.com/embed/ny-1MikdQhA" title="Samarqandda Haykaltaroshlar simpoziumi o’tkazilmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Зиёвуддин НУРИДДИНОВ, Искандар ИСМEТОВ, ЎзА