Президент Шавкат Мирзиёевнинг Самарқанд вилояти фаоллари, соҳалар раҳбарлари билан бўлиб ўтаётган йиғилиш давом этмоқда.
Йиғилишда вилоятда саноат соҳасини ривожлантириш масалалари ҳақида ҳам сўз бормоқда.
– Вилоятнинг ишга солинмаган имкониятларидан самарали фойдаланган ҳолда унинг ўсиш нуқталари драйверларини белгилаш ва амалга оширишимиз зарур. Биринчи драйвер – вилоятда саноатни ривожлантириш, – деди Президент.
Президент бу ўринда вилоят саноат ҳажмида Қўшработ, Нуробод каби туманлар улуши пастлигича қолаётганини таъкидлар экан, туман ҳокимлари, иқтисодий комплекс раҳбарлари фаолиятини танқидий баҳолади.
– Шу сабабли Самарқанд вилояти учун балл бонитети паст қишлоқ хўжалиги ерларини саноат зоналари ташкил этиш учун ишлатишга рухсат бераман. Бунда жорий йил давомида 88 та янги кичик саноат зоналари ташкил этилади, – деди давлатимиз раҳбари.
Йиғилиш давом этмоқда.