Жорий йилнинг 14 декабрь куни Давлат хавфсизлик хизмати Самарқанд вилояти бошқармаси, прокуратура ҳамда ички ишлар идоралари ходимлари ҳамкорлигида тезкор тадбир ўтказилди.

Тадбир давомида “Темирйўл” адвокатлар ҳайъати адвокати А.Т. ИИБ юритувидаги Ўзбекистон Республикаси Жиноят кодексининг 266-моддаси билан қўзғатилган жиноят ишини ижобий ҳал қилиб беришни ваъда қилиб, фуқародан 1000 АҚШ долларини олган вақтда ашёвий далиллар билан ушланди.

Ҳозирда А.Т.га нисбатан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов харакатлари олиб борилмоқда.

ЎзА