Самарқандда 11-13 июнь кунлари «Янги Ўзбекистон ёшлари, бирлашайлик!» шиори остида ёшлар фестиваллари бўлиб ўтади

Ёшлар ойлиги доирасида ўтказилаётган ушбу фестивалда Секторлар кесимида спорт мусобақалари лойиҳалар амалга оширилади.

Хусусан, тадбирдан муваффақиятга эришган тадбиркорлар билан мотивацион учрашувлар, интеллектуал ўйинлар, ҳарбий-ватанпарварлик лойиҳалари ўрин олган.

Самарқанднинг Қорасув массиви, «Нурафшон» санъат саройи, Регистон майдонида 3 кун давомида гала-концерт бўлиб ўтади.

Шу билан бирга, киберспорт мусобақалари, кам таъминланган оила фарзандларининг туристик марказларга ташрифлари, «Ёшлар дафтари»га киритилган ёшларга асбоб-ускуналар топшириш, Самарқанд вилояти ҳокими стипендияси ва стартап лойиҳалар ғолибларини тақдирлаш маросимлари ҳам бўлиб ўтади.

Фестивалда иштирок этиш истагида бўлганлар ушбу ҳавола орқали (https://forms.gle/BBP9e8nkkfjAzbtZA) рўйхатдан ўтишлари мумкин.

Марҳабо Мадаминова, ЎзА