2022 жылдың 8-11 қараша күндері Самарқанд халықаралық әуежайы уақытша жабылады.

Uzbekistan Airports мәліметінше, 2022 жылдың 8 қарашасы сағат 00:01-ден 12 қараша күні сағат 00:01-ге дейін Самарқанд әуежайы Түркі мемлекеттері ұйымының Самарқандта өтетін саммитіне байланысты ұшақтарды қабылдауды және шығаруды уақытша тоқтатады.

«Ұйымға мүше елдердің мемлекет және үкімет басшыларының кездесуі қарсаңында экономика және сыртқы істер министрлерінің кездесулері өтеді.

Осы жағдайға байланысты коммерциялық жолаушылар мен жүк тасымалы үшін әуежайды уақытша жабу туралы шешім қабылданды», делінген хабарламада.