Самарқанд вилоятида ўтказилган назорат тадбирларида электр энергияси ва газдан ноқонуний фойдаланиш ҳолатлари аниқланди.

Унга кўра, Пастдарғом туманида жойлашган “У. М.” фермер хўжалиги электр ҳисоблагич уланиш схемасини бузгани аниқланиб, дастлабки ҳисоб-китобларга кўра электр таъминот корхонасига 1 миллиард 824 миллион сўм зарар етказди.  

Пастдарғом туманида фаолият кўрсатаётган "Н.П.Л." оилавий корхонасига қарашли ошхона шартномасиз ва ҳисоблагичсиз газ тармоғига уланган. Дастлабки ҳисоб-китобларга кўра, тизимга 897,6 миллион сўм зарар етказилган.  

Қоидабузар истеъмолчиларга нисбатан белгиланган тартибда чоралар кўриш учун тегишли ҳужжатлар ҳуқуқни муҳофаза этувчи органларга тақдим этилди.  

Н.Зиёдуллаева тайёрлади, ЎзА