Самарқанд вилояти прокурори қабулига келган аёлларни гул билан кутиб олди
Самарқанд вилоят прокурорининг навбатдаги қабули вилоят прокуратураси биносида ўтказилди.
Вилоят прокуратураси ахборот хизматининг маълум қилишича, қабулда 30 дан ортиқ фуқаро ўзларини қийнаётган муаммоларини баён қилиб мурожаат қилди.
Мурожаатларнинг аксарияти жойида ҳал этилди, вақт талаб қиладиган масалалар юзасидан чора-тадбирлар белгилаб олинди.
Халқаро хотин-қизлар байрами арафасида ўтказилган қабулга келган мурожаатчи аёлларга гуллар тақдим этилди.
Ғ.ҲАСАНОВ, ЎзА