Air Samarkand әуе компаниясы Самарқан мен Тель-Авив бағытындағы алғашқы тікелей әуе рейсін жүзеге асырды.

Осылайша, Air Samarkand — Израильге ұшуды жүзеге асырып жатқан Өзбекстандағы төртінші әуе компаниясына айналды. Бұл бағытта бұған дейін Uzbekistan Airways, Qanot Sharq және Centrum Air компаниялары да өз рейстерін орындап келген.

Тель-Авивтегі «Бен-Гурион» әуежайында аталған рейспен келген жолаушыларды қарсы алу рәсімі өтті. Іс-шарада Air Samarkand компаниясының Израильдегі өкілі және Asia Travel туристік компаниясының негізін қалаушы Ниссан Мушаев сөз сөйледі.

Air Samarkand бұл бағыттағы рейстерді бастапқы кезеңде аптасына бір рет – әр жексенбіде орындайды. Ал 10 шілдеден бастап бейсенбі күндері қосымша рейс ашу жоспарланып отыр.