Қадимий ва ҳамиша навқирон Самарқанд шаҳрида ЮНЕСКО Бош конференциясининг 43-сессияси бўлиб ўтгани Ватанимиз тарихида муҳим воқелик бўлди. Сабаби сўнгги 40 йил ичида илк бор ушбу нуфузли анжуман ЮНЕСКОнинг Париждаги Бош қароргоҳидан ташқарида –Ўзбекистонда ўтказилди. Бу эса халқаро ҳамжамиятнинг мамлакатимиздаги очиқлик сиёсатига нисбатан юксак ишончини, бой маданий ва илмий меросимизга эътиборини англатади.

Ушбу тарихий анжуманнинг мазмуни, моҳияти ва унда давлатимиз раҳбарининг илгари сурган ташаббуслари бугун кенг жамоатчилик вакиллари томонидан қизғин эътироф этилмоқда.  

– Тарихдан биламизки, Самарқанд Буюк Ипак йўлининг муҳим чорраҳаси бўлган, – дейди Олий Мажлис Қонунчилик палатаси депутати, ЎзЛиДеП фракцияси аъзоси Адҳамбек Исмоилов. – Бу ердан нафақат карвонлар, балки ғоялар ҳам ўтган. Илм, маданият ва ишонч йўллари айнан мана шу заминдан бошланган.  

Давлатимиз раҳбарининг ЮНЕСКО Бош конференциясидаги нутқи ҳам ана шу тарихий миссияни замонавий руҳда тиклайдиган, дунё афкор оммасини гуманитар бирдамлик ва ҳамжиҳатликка чорлайдиган бир чақириқ бўлди. Президентимиз бу тарихий нутқ билан бугунги беқарор даврда маданият – тинчликнинг асосий тили, илм – ишончнинг асоси, ҳамкорлик эса тараққиётнинг ягона йўли эканини дунё ҳамжамиятига яна бир бор исботлаб берди. Ушбу анжуман орқали Самарқанд яна маънавият чорраҳасига айланди.

<iframe width="650" height="420" src="https://www.youtube.com/embed/rWz8Z-zfQhU" title="Samarqand – bilim, madaniyat va ma’naviyat chorrahasiga aylandi " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>  

Муҳтарама Комилова, Улуғбек Тўхтаев (видео), ЎзА