Ғафур Ғулом номидаги нашриёт-матбаа ижод уйида Сергей Бородиннинг «Самарқанд осмонида юлдузлар» номли уч томлик асари нашрдан чиқди.

Жаҳон ҳамжамиятида Соҳибқирон Амир Темур шахсига қизиқиш кучли. Шунинг учун ҳам ўнлаб хорижий тарихчи олимлар, ёзувчилар Амир Темур ҳақида бадиий асар, илмий рисолалар ёзган ва ёзиб келмоқда.

Роман-трилогия ўқувчига Темурийлар салтанати тарихи, ўша давр муҳити ҳақида кўплаб маълумотлар беради.

Асарни рус тилидан Малик Раҳмон таржима қилган.