Бугунги кунда мамлакатимиз бўйлаб йўл инфратузилмасини яхшилашга қаратилган чора-тадбирлар асосида автомобиль йўлларининг сифати замон талабларига мос ҳолатга келтирилмоқда. 

Жумладан, Самарқанд вилояти ҳудудидаги М-37А (4Р-45) «Самарқанд айланма йўли» ҳам мамлакатимиз ҳудудидаги алоҳида аҳамиятга эга йўллардан бири ҳисобланади. Узоқ йиллар давомида эътиборсизлик сабаб таъмирталаб ҳолатга келиб қолган автойўлда 2013 йилдан қурилиш-таъмирлаш ишлари бошланган эди. Умумий узунлиги 46 км бўлган йўлда бунёдкорлик ишлари босқичма-босқич амалга оширилмоқда.

Ҳудуддаги мавжуд 7 та кўприк ва йўл ўтказгичлардан 2 тасининг таъмирлаш ишлари якунланган. Жорий йил якунига қадар кўприк ва йўл ўтказгичлар тўлиқ таъмирдан чиқарилиб, М-37А (4Р-45) «Самарқанд айланма йўли» тўлиқ ишга тушади.