Өзбекстан Салық комитеті Yandex Go такси агрегаторына қатысты әлеуметтік желілерде айтылған наразылықтарға реакция білдірді.

Комитет осы жылдың қыркүйек айында Өзбекстандағы Yandex Go сервисінің иесі «Ridetech International B.V.» компаниясына (Нидерландыда тіркелген) 2 ай ішінде заңды құжаттар негізінде өз қызметін ұйымдастыруға міндеттеме жүктеді:

Өзбекстан Республикасының салық резиденті ретінде тіркелу және қызметті жүзеге асыру үшін көрсетілген салықтарды төлеу;

Салық органдарының ақпараттық жүйесімен интеграцияны қамтамасыз ету және клиенттерді автоматты түрде фискалдық чекпен қамтамасыз ету.

Жоғарыда аталған талаптарды орындау мерзімі 2023 жылдың 1 желтоқсанына дейін берілген.

Олай болмаған жағдайда, Салық комитеті Цифрлық технологиялар министрлігіне Өзбекстан аумағында агрегатор ретінде пайдаланылатын Yandex Go электронды платформасын пайдалануды бұғаттау туралы ресми өтініш жолдайтынын хабарлаған.