Сальвадорда зорлық-зомбылықтың күрт өсуіне байланысты жексенбі күні төтенше жағдай күшіне енді.

Орталық Америка Республикасының басшысы Наиб Букеле Twitter-де хабарламасында: 84 депутаттың 67-сі төтенше жағдайды қолдап дауыс берді, сондықтан «барлығы конституция аясында орын алуда» деп атап өткен осы жағдайды.

Бұл шараның қабылдануы елдегі соңғы уақытта зорлық-зомбылық ошағына айналып бара жатқаны және бар болғаны екі күнде елде 76 кісі өлтіру оқиғасы тіркелгені, ал бұл соңғы 20 жылдағы ең жоғары көрсеткішпен байланысты болып отыр.

Төтенше жағдай 30 күнге енгізілген. Осы уақыт ішінде полицияға азаматтарды үш тәулікке емес, 15-ке қамауға алу мүмкін. Сондай-ақ жиналу, елге кіру және шығу еркіндігі шектелді.

Сонымен бірге, шіркеулер, спорт, сауда, білім беру және басқа да мекемелер өздерінің қалыпты жұмысын жалғастыра алады. 

Билік өкілдерінің айтуынша, зорлық-зомбылықтың өсуіне елде жұмыс істейтін ұйымдасқан қылмыстық топтар, олардың ең ірілері «Мара Салватруча» және «Баррио-18» жауапты болуы мүмкін.