Штаб-пәтері Маскат халықаралық әуежайында орналасқан Оманның Salam Air әуе компаниясы Өзбекстанға тұрақты әуе рейстерін орындауға рұқсат алды.

«Узавиация» агенттігінің хабарлауынша, Salam Air әуе компаниясына Өзбекстан мен Оман арасындағы әуе қатынасы туралы үкіметаралық келісім негізінде 2022 жылдың 30 қарашасында 18-К санды рұқсаты берілген.

Рұқсатнама Маскат – Ташкент – Маскат және Маскат – Наманган – Маскат бағыттары бойынша Өзбекстан Республикасына тұрақты рейстерге арналған.

Әуе компаниясы осы бағыттар бойынша A320 және A321 ұшақтарында әуе рейстерін орындайды.