Тайландтың Бангкок қаласында өтіп жатқан бокстан Азия чемпионаты аясында Asian Boxing ұйымының кезекті конгресс жиналысы өтті.

Жиын барысында Азия құрлығындағы бокстың болашағына қатысты стратегиялық жоспарлар қаралды. Ұйым басшылығына кандидаттарға дауыс беру нәтижесінде қазіргі төраға, тайлық Пичай Чунхаважира қайтадан Asian Boxing президенті болып сайланды.

Сонымен қатар, вице-президенттікке Қазақстан, Жапония, Филиппин өкілдерімен бірге Өзбекстан бокс федерациясы төрағасының бірінші орынбасары Сакен Полатовтың кандидатурасы ұсынылды. Дауыс беру қорытындысы бойынша Сакен Полатов Asian Boxing ұйымының вице-президенттігіне сайланды.

Айта кетейік, Бангкокта 22 жасқа дейінгі және жастар арасындағы Азия чемпионатына 38 өзбекстандық жас боксшы қатысып жатыр. Чемпионат 12 тамызға дейін жалғасады.