Бокс бўйича Ўзбекистон терма жамоаси жаҳон чемпионатидаги иштирокини якунлади.

Ҳамюртларимиз орасида сўнгги бўлиб Саиджамшид Жаъфаров (-71 кг) финал жангини қозоғистонлик Асланбек Шимбергеновга қарши ўтказди. Афсуски, беллашув Асланбек Шимбергеновнинг ғалабаси билан якунланди ва юртдошимиз кумуш медалга сазовор бўлди. Унга 100 минг АҚШ доллари миқдорида мукофот берилади. 
Шу тариқа пойтахтимиз мезбонлик қилган бокс бўйича жаҳон чемпионатида Ўзбекистон терма жамоаси 5 та олтин, 2 тадан кумуш ва бронза медалларини қўлга киритди. 

ЎзА