“Садоқат” тарвуз плантациясида 9 минг тонна ҳосил етиштирилди
ФОТОРЕПОРТАЖ
Наманган вилояти Поп туманидаги “Садоқат” тарвуз плантациясининг 220 гектар полиз майдонида 9 минг тонна тарвуз етиштирилди.
Ўртача 10-12 килограммни ташкил этган тарвузларнинг энг каттаси 27 килограмм тош босди.
Плантацияда етиштирилган тарвузлар органик ўғитлар билан томчилатиб суғориш орқали озиқлантирилган. Асосий жиҳати ҳудудда тарвуз етиштиришда селитрадан умуман фойдаланилмайди. Шу боис ушбу табиий маҳсулот витаминларга ўта бой.
Полизнинг 25 гектар майдонига 1 июнь куни қадалган уруғ ҳам шу кунларда мўл ҳосилга кирган. Омилкорлар ушбу майдондан 1 минг 250 тонна ҳосил олишни ният қилмоқда.
