Наманганда ташкил этилган теннис бўйича ўсмирлар ўртасидаги халқаро турнирда чорак финал босқичига йўл олган ракетка усталари аниқланди.

J100 таснифига кирувчи мазкур нуфузли турнирнинг иккинчи даврасида муваффақиятга эришган ҳамюртимиз Нуриддин Бахтиёров 1/4 финал босқичида таиландлик Пенн Чарусорн билан куч синашадиган бўлди.  

Қизлар ўртасида ёш теннисчимиз Сабрина Олимжонова иккинчи даврада нейтрал теннисчи Фамина Уладзиславани 6:4, 6:1 ҳисобида таслим этди ва ярим финал йўлланмаси учун яна бир нейтрал теннисчи Анна Баздерова билан рақобатлашиш ҳуқуқини қўлга киритди.  

Жавоҳир Тошхўжаев,

ЎзА